《震驚13億人的事實😱》
唔知咁多位仲記唔記得Cress上年8月推介過呢間喺天水圍嘅餃子館，話佢好似荃灣間餃子屋，讚佢足料大大粒皮薄餡靚，個絕無味精嘅魚膠湯仲好好飲。
.
當時我純粹以為佢哋似，而我從未去過荃灣嗰間的（甚至以為佢抄荃灣，因為荃灣上曬神檯好出名😂）
.
點知！！對上一次去時講開呢度似荃灣，隔離包緊餃子嘅姨姨竟然爆出一句：「荃灣嗰間一樣㗎！」
我：😱😱😱😱😱
「啲湯同餃都一樣㗎，自己人開嘅」
甚麼？！原來講咁耐佢哋竟然係同一家！
我真係覺得自己從未去荃灣排隊好叻叻！因為天水圍呢度唔駛排～
.
但事情未完。有次開live講講下呢間，一位支持開我嘅觀眾，竟然又爆出一句：「呢間咪我嗰間囉」
我：😱😱😱😱😱
世事有冇咁巧合？！
後來都證實係真嘅，再去嗰陣佢仲俾多湯我哋😍
世事真係好奇妙，總會有好多隱藏嘅嘢等我哋發掘！
_
Search